Skip to main content

Bano Qudsia


وہ جُدا ہو گئیں ۔۔
Born: November 28, 1928
Died: February 4, 2017
۔
وقت کی رفتار اپنے دھیمے پن لیکن سفاکیت کی اوڑھنی میں کسی نئے زاوئے کی محتاج نہیں ۔۔ جو آیا ہے اُسے خالق کے ہاں لوٹنا ہے ۔۔۔ کان پڑے خبر ملی کہ ماں جیسی خدوخال سے جُڑی ، حساس گداز جھریوں کے جھرمٹ میں شگفتہ چاشنی کے تاروں کی سی ٹھنڈک میں لدی بانو قدسیہ دنیا فانی سے کوچ کر گئیں ۔۔

یقین کرنا مجبوری ہے لیکن ایسے لوگ واقعی معاشرے کی کوکھ میں جنم لینے والے وہ تازہ نو بہار ہوتے ہیں جن کے سبب اس اندھیر نگری کے ظلم صفت چہروں سے پردہ اُٹھتا نظر آتا ہے ، عدالتیں انصاف نہ کریں نہ سہی ، ریاستیں اپنے پالکوں کی پرورش نہ کریں نہ سہی ، لیکن ایسے بڑے قد کے لوگوں کا قلم گریباں چاک کرتا ہی رہا ہے ۔۔۔۔ ایسے لوگ امر ہیں ۔۔۔۔ اُن کی بیاض میں مزید کچھ کہنے کو الفاظ نہیں کیونکہ وہ ماں جیسی تھیں ، معاشرے کی ماں ۔۔۔ جن کی تعلیم سے معاشرہ پرورش کے دہانے اپنی عمر کی باقیات سمیٹ سکتا ہے ۔۔۔

۔۔ اللہ جنت الفردوس میں عالیٰ مقام عطا فرمائے ۔

Comments

Post a Comment

Popular posts from this blog

نہ حریف جاں نہ شریک غم شب انتظار کوئی تو ہو

نہ حریف جاں نہ شریک غم شب انتظار کوئی تو ہو کسے بزم شوق میں لائیں ہم دل بے قرار کوئی تو ہو کسے زندگی ہے عزیز اب، کسے آرزوئے شب طرب مگر اے نگار وفا طلب ترا اعتبار کوئی تو ہو کہیں تار دامن گل ملے تو یہ مان لیں کہ چمن کھلے کہ نشان فصل بہار کا سر شاخسار کوئی تو ہو یہ اداس اداس سے بام و در یہ اجاڑ اجاڑ سی رہگزر چلو ہم نہیں نہ سہی مگر سر کوئے یار کوئی تو ہو یہ سکون جاں کی گھڑی ڈھلے تو چراغ دل ہی نہ بجھ چلے وہ بلا سے ہو غم عشق یا غم روزگار کوئی تو ہو سر مقتل شب آرزو رہے کچھ تو عشق کی آبرو جو نہیں عدد تو فراز تو کہ نصیب دار کوئی تو ہو   احمد فراز 
Post a Comment
Read more

تصویر جاناں ہم نے بنوائی نہیں

ایک بادشاہ نے چار آدمی طلب کئے ان میں سے ایک عالم تھا ، دوسرا عاشق تھا ، تیسرا نابینا تھا اور چوتھا غریب تھا ، بادشاہ نے ان چاروں سے کہا کہ میرے دماغ میں ایک مصرعہ آیا ہے تم لوگ اسکو مکمل کرو ، مصرعہ یہ ہے: ( اسلئے تصویر جاناں ہم نے بنوائی نہیں ) چاروں نے تھوڑا سوچ بچار کیا اور اپنے اپنے حساب سے شعر بنائے جو کچھ یوں تھے ۔ عالم : بت پرستی دین احمد میں کبھی آئی نہیں اسلئے تصویر جاناں ہم نے بنوائی نہیں عاشق : ایک سے جب دو ہوئے پھر لطف یکتائی نہیں اسلئے تصویر جاناں ہم نے بنوائی نہیں نابینا : ہم میں بینائی نہیں اور اس میں گویائی نہیں اسلئے تصویر جاناں ہم نے بنوائی نہیں غریب : مانگتے پیسے مصور جیب میں پائی نہیں اسلئے تصویر جاناں ہم نے بنوائی نہیں
Post a Comment
Read more

الفاظ کے جھوٹے بندھن میں

الفاظ کے جھوٹے بندھن میں راز کے گہرے پردوں میں ہر شخص محبت کرتا ہے حالانکہ محبت کچھ بھی نہیں سب جھوٹے رشتے ناتے ہیں سب دل رکھنے کی باتیں ہیں سب اصلی روپ چھپاتے ہیں احساس سے خالی لوگ یہاں لفظوں کے تیر چلاتے ہیں ایک بار نظروں میں آکر وہ پھر ساری عمر رلاتے ہیں یہ عشق محبت مہر و وفا یہ سب کہنے کی باتیں ہیں ہر شخص خودی کی مستی میں بس اپنی خاطر جیتا ہے بس اپنی خاطر جیتا ہے
Post a Comment
Read more